CLEOPAS

[lagmit pinamubo sa Cleopatros, nga nagkahulogang “Iladong Amahan”].

Usa sa duha ka tinun-an, nga dili mga apostoles, nga mipanaw paingon sa Emmaus sa adlaw sa pagkabanhaw ni Jesus. Sa dihang mikuyog si Jesus kanila ingong usa ka estranyo ug nangutana kon unsay ilang gilantugian, si Cleopas mitubag: “Nagapuyo ka ba ingon nga usa ka langyaw nga nag-inusara sa Jerusalem ug maong wala mahibalo sa mga butang nga nahitabo niini niining mga adlawa?” Human ipatin-aw ni Jesus ang daghang kasulatan ngadto kanila ug dayon nagpaila sa iyang kaugalingon, si Cleopas ug ang iyang kauban, inay magpabilin sa tibuok gabii sa Emmaus, nagdali pagbalik ngadto sa Jerusalem ug nagtaho niining mga butanga ngadto sa uban. (Luc 24:13-35) Kining Grego nga ngalang Cleopas dili angayng pakasaypon sa Aramaiko nga ngalang Clopas.​—Ju 19:25.