DATILES

Ang bunga sa palma nga datiles (Phoenix dactylifera), usa ka kahoy nga komon sa Palestina. Ang mga datiles maoy linginon ug porma, undanon, tam-is, ug may usa lang ka liso.

Sa asoy sa Bibliya, dili direkta ang paghisgot sa datiles. Pananglitan, ang dalagang Sulamita naghubit sa itom nga mga hugpong sa buhok sa iyang hinigugmang magbalantay ingong susama sa “mga pungpong sa datiles” (“labong,” KJ; Heb., tal·tal·limʹ; ‘bugway sa datiles,’ Lexicon in Veteris Testamenti Libros, ni L. Koehler ug W. Baumgartner, Leiden, 1958, p. 1030). Si Solomon nagpakasama sa barog sa Sulamita ngadto sa usa ka kahoyng palma ug sa iyang mga dughan ngadto sa “mga pungpong sa datiles” (“mga pungpong sa ubas,” KJ) ug sa “mga pungango sa datiles” (Heb., san·sin·nimʹ; tan-awa ang Lexicon in Veteris Testamenti Libros, p. 662).​—Aw 5:11; 7:​7, 8; tan-awa ang PALMA, KAHOYNG.