DOPKA

[lagmit, Gipapahawa; Gitukmod].

Ang unang dapit nga gihunongan sa mga Israelinhon human mobiya sa Kamingawan sa Sin sa ilang pagpaingon sa Yutang Saad. (Num 33:​12, 13) Wala ipakita sa Bibliya ang tukmang nahimutangan niini. Bisan pa niana, giisip sa daghang eskolar nga ang Dopka mao ang Ehiptohanong Mafqat, usa ka distrito nga gitawag nianang ngalana tungod sa turquesa nga gimina sukad pa sa karaang kapanahonan sa palibot sa Sarabit el-Khadim, mga 34 km (21 mi) sa S sa modernong-adlaw nga Abu Zanima sa Peninsula sa Sinai.