ELIZUR

[Ang Akong Diyos Maoy Usa ka Bato].

Anak nga lalaki ni Sedeur sa tribo ni Ruben; usa sa 12 ka pangulo nga mitabang kang Moises ug Aaron sa pag-ihap sa mga anak sa Israel. (Num 1:1-3, 5, 17; 2:10; 10:18) Dugang pa sa pagpakig-ambit sa ginurupo nga paghalad nga gihimo sa mga pangulo human sa pagpatindog sa tabernakulo, si Elizur naghalad ug kaugalingon niyang halad sa ikaupat nga adlaw alang sa inagurasyon sa halaran.​—Num 7:​1, 2, 10, 30-35.