EPRON

1. [gikan sa lintunganayng pulong nga nagkahulogang “nati [nga laking osa]”]. Usa ka Hitihanong anak nga lalaki ni Zohar nga nakapanag-iyag yuta sa Makpela atubangan sa Mamre, nga mao, sa Hebron. Gipalit ni Abraham kining yutaa gikan kang Epron, apil ang langob nga diha niini, ingong lubnganan sa iyang asawang si Sara. (Gen 23:3-20) Nagbayad si Abraham ug 400 ka siklong plata (mga $880) alang niini nga lubnganan sa pamilya, apan bisag milabay na ang mga kaliwatan human niadto gitawag gihapon kini ug “yuta ni Epron.”​—Gen 25:9; 49:​29, 30; 50:13.

2. [Dapit sa Abog]. Usa ka tagaytay nga nahimutang taliwala sa Neptoa ug Kiriat-jearim. (Jos 15:9) Diha kini sa amihanang utlanan sa tribo ni Juda.

3. Ang “Epron” makaplagan sa 2 Cronicas 13:19 sa Masoretikong teksto ug sa Gregong Septuagint ug sa uban pang mga bersiyon; apan, ang mabasa sa panaplin sa Masoretikong teksto maoy “Eprain.”​—Tan-awa ang EPRAIN.