EREK

Usa sa upat ka siyudad nga naglangkob sa ‘sinugdan sa gingharian ni Nimrod’ sa yuta sa Sinar. (Gen 10:10) Ang Erek karong adlawa maoy usa na lamang ka hut-ong sa mga bungdo diha sa dapit nga gitawag sa mga Arabo nga Warka ug nailhan nga Uruk sa karaang mga Akadianhon sa Mesopotamia. Nahimutang kini mga 177 km (110 mi) sa HS sa Babilonya sa K nga tampi sa karaang giagosan sa Euprates (ang Shatt-ek-Kar), o mga 6 km (3.5 mi) sa S sa presenteng giagosan sa maong suba. Ang usa ka karaang ziggurat nadiskobrehan didto, uban sa daghang bungdo ug mga lungon nga daw nagpaila nga ang Erek kanhi maoy usa ka lubnganan sa mga hari sa Asirya.

Ang mga molupyo sa Erek (“Arkevihanon,” KJ) maoy lakip sa katawhan nga gibalhin ngadto sa Samaria ni Emperador Asenapar sa Asirya.​—Esd 4:​9, 10.