ETER

Usa ka siyudad sa Sepela diha sa teritoryo sa Juda, apan gipahat ngadto kang Simeon. (Jos 15:​33, 42; 19:1-9) Karong adlawa gituohan sa kadaghanan nga mao kini ang Khirbet el-ʽAter (Tel ʽEter), mga 1.5 km (1 mi) sa AK sa Beit Jibrin (Eleutheropolis; Bet Guvrin). Ang asoy sa Josue 19:7 maoy halos managsama sa asoy sa 1 Cronicas 4:​32, ug niining ulahing teksto ang Eter mopatim-awng gihisgotan ingong Token.

Giisip sa pipila ka reperensiyang mga basahon nga dihay duha ka Eter, nga ang narekord sa Josue 15:42 nahimutang tali sa Libna ug Maresah (sa Khirbet el-ʽAter, nga gihisgotan sa itaas), ug ang lain, nga narekord sa Josue 19:​7, nahimutang duol sa Ziklag dapit sa H. Bisan tuod ang ubang mga lungsod nga gihisgotan sa Josue 19:7 pulos nahimutang sa H ug daghan sa mga lungsod nga gihisgotan sa Josue 15:42 nahimutang dapit sa A, angayng matikdan nga niining duha ka teksto ang lungsod sa Asan gihisgotan, busa lisod matino kon asa gayod nahimutang ang Eter.