GAAL

[lagmit, Pagkasilag; Nasilag].

Ang anak nga lalaki ni Ebed kinsa, uban sa iyang mga igsoon, miadto sa Sekem ug nakuha niya ang pagsalig sa mga tag-iyag yuta didto. (Huk 9:26) Kini nga mga tag-iyag yuta nagsuportar kanhi kang Abimelek sa pagpatay sa mga anak ni Jerubaal (Gideon) ug dayon sa paghimo kaniya nga ilang hari. (Huk 9:1-6) Dayag nga gihimo ni Abimelek si Zebul ingong residente nga prinsipe sa Sekem, samtang siya mismo nagpuyo didto sa Aruma. Wala madugay, usa ka daotang espiritu ang mitungha o namugna tali kang Abimelek ug sa mga tag-iyag yuta sa Sekem. Busa si Gaal ug ang iyang mga igsoon nagsiba sa mga tawo sa siyudad sa pag-alsa batok kang Abimelek. Pagkadungog niini ni Zebul, dihadiha gibalitaan niya si Abimelek, ug nagsugyot kon unsaon pagsagubang ang suliran nga mitungha. Si Gaal ug kadtong uban kaniya napildi sa misunod nga pakiggubat batok kang Haring Abimelek ug siya mikalagiw balik ngadto sa siyudad. Sa kataposan si Zebul nag-abog kang Gaal ug sa iyang mga igsoon gikan sa Sekem.​—Huk 9:22-41.