HAKOZ

[Ang Tunok].

Usa ka Aaronikong saserdote ug pangulo sa balay sa amahan nga sa panahon ni David mao ang ika-7 sa 24 ka dibisyon sa mga saserdote.​—1Cr 24:3-7, 10.

Human makabalik gikan sa Babilonya niadtong 537 W.K.P., “ang mga anak ni Hakoz” maoy lakip niadtong dili kuwalipikado sa pagkasaserdote tungod kay sila napakyas sa pagpamatuod sa ilang talaan sa kagikan. Lakip sila niadtong gidid-an sa pagkaon gikan “sa labing balaang mga butang hangtod nga motindog ang usa ka saserdote nga may Urim ug Tumim.” (Esd 2:61-63; Neh 7:63-65) Usa ka kaliwat ni Hakoz ang espesipikong gihisgotan nga nakig-ambit sa pagtukod pag-usab sa mga paril sa Jerusalem.​—Neh 3:21.