HERODION

Usa sa personal nga gipangomosta ni Pablo diha sa iyang sulat ngadto sa Kristohanong kongregasyon sa Roma. Si Pablo naghisgot kang Herodion ingong “akong paryente.” (Rom 16:11) Ang pipila nagtuo nga tingali kini nagpasabot lamang nga si Herodion maoy usa ka isigka-Hudiyo inay nga usa ka suod nga kabanay ni Pablo, tungod sa paggamit sa apostol sa mga pulong nga “mga paryente” diha sa Roma 9:3. Apan, sanglit si Pablo wala maghisgot sa tanang Hudiyo nga iyang gipangomosta ingong “akong mga paryente” (itandi ang Buh 18:2; Rom 16:3), lagmit nga kini nagpasabot sa usa ka mas suod nga paryente.​—Tan-awa ang ANDRONIKO.