HIGGAYON

Kini mao ang katumbas nga Cebuanong espeling sa Hebreohanong ekspresyon nga hig·ga·yohnʹ, nga gisabot sa mga leksikograpo nga nagtumong sa usa ka teknikal nga termino sa giya sa musika. (Sal 9:16) Pinasukad sa konteksto diha sa mga dapit nga kini makita sa Hebreohanong teksto, kini gihubad sa lainlaing paagi ingong “hinay nga pamulong,” “pagpamalandong,” “mga panghunahuna,” “saloma,” “mananoy nga honi,” “malanog nga honi,” ug “(mga) pagyamyam.” (Sal 19:14; 92:3; Lam 3:​62, AT, Mo, NW, Ro, RS, Yg) Sa Salmo 9:​16, ang Higgayon lagmit nagkahulogan sa usa ka solemne nga pagsal-ot sa lawom-ug-tunog nga alpa o kaha sa usa ka solemne nga paghunong nga nahiangay sa pagpamalandong.