ILIRICO

Usa ka lalawigan sa Roma nga nag-usab-usab ang mga utlanan, nga nahimutang sa AK nga bahin sa Peninsula sa Balkan ubay sa kabaybayonan sa Dagat Adriatiko.

Sa yugto human mapildi ni Tiberio ang mga taga-Pannonia ug mga taga-Dalmacia niadtong 9 K.P., ang Romanhong lalawigan sa Ilirico nahimong duha ka bahin, ug sa ulahi nahimong duha ka lalawigan. Sa kataposan, ang habagatang lalawigan ginganlan ug Dalmacia.

Sa Roma 15:19 si apostol Pablo naghisgot sa pagsangyaw diha sa usa ka sirkito “hangtod sa Ilirico.” Kon ang orihinal nga Grego angay bang sabton nga si Pablo aktuwal nga misangyaw didto o hangtod lamang sa Ilirico dili matino.