JEHOVA-NISSI

Ang ngalan sa handomanang halaran nga gipatindog ni Moises human sa malamposong pagpakiggubat sa Israel batok sa mga Amalekanhon didto sa Repidim.​—Ex 17:​8, 13-16.

Ang ngalan nagkahulogang “Si Jehova Mao ang Akong Ilhanang Tukon,” nga nagkuha sa nis·siʹ gikan sa nes (ilhanang tukon). Gisabot sa mga maghuhubad sa Gregong Septuagint nga ang nis·siʹ naggikan sa nus (pagkalagiw ngadto sa dalangpanan), sa ingon naghatag niini sa kahulogang “Si Jehova Mao ang Akong Dalangpanan,” samtang sa Latin nga Vulgate kini giisip nga naggikan sa na·sasʹ (iisa; ituboy), sa ingon naghatag niini sa kahulogang “Si Jehova Mao ang Akong Pagbayaw.”​—Ex 17:​15, ftn sa Rbi8.