JEHUCAL

[Makahimo si Jehova; Si Jehova Nagmadaogon], JUCAL [pinamubo sa Jehucal].

Usa ka prinsipe nga gipadala ni Haring Zedekias aron sa paghangyo kang Jeremias sa pag-ampo alang sa Juda. (Jer 37:3) Kining anak nga lalaki ni Selemias ug ang laing tulo ka impluwensiyadong mga prinsipe maoy nagpahulog kang Jeremias ngadto sa lapokong atabay tungod kay ang iyang pagsangyaw, sumala sa giingon nila, ‘nagpaluya sa mga kamot sa mga tawong manggugubat,’ ingon man usab sa mga kamot sa katawhan sa katibuk-an.​—Jer 38:1-6.