JEROHAM

[Hinaot Kaluy-an Siya].

1. Amahan ni Elkana ug apohan ni Samuel; kaliwat ni Kohat nga Levihanon.​—1Sa 1:​1, 19, 20; 1Cr 6:​22, 27, 34, 38.

2. Usa ka Benjaminhon sa Gedor kansang duha ka “anak nga lalaki” gihisgotan ingong lakip sa ‘mga magtatabang ni David sa gubat’ samtang siya didto sa Ziklag ilalom sa mga pagpig-ot ni Saul.​—1Cr 12:​1, 2, 7.

3. Amahan ni Azarel nga prinsipe sa tribo ni Dan nga ilalom ni Haring David.​—1Cr 27:​1, 22.

4. Amahan ni Azarias, usa sa mga pangulo sa kasundalohan nga mitabang kang Jehoiada sa pagpalingkod kang Jehoas ingong hari.​—2Cr 23:​1, 11.

5. Usa ka kaliwat ni Benjamin kansang unom ka ginganlang “mga anak nga lalaki” nahimong mga pangulo sa mga banay nga nagpuyo sa Jerusalem. (1Cr 8:​1, 26-28) Lagmit mao ra ang Num. 6.

6. Ang Benjaminhong katigulangan ni Ibneias, kinsa nagpuyo sa Jerusalem human sa pagkadestiyero. (1Cr 9:​7, 8) Lagmit mao ra ang Num. 5.

7. Amahan o katigulangan ni Adaia, usa ka saserdote nga nagpuyo sa Jerusalem human sa pagkadestiyero sa Babilonya.​—1Cr 9:​3, 10, 12; Neh 11:​4, 12.