JEUS

[lagmit, Hinaot Motabang Siya].

1. Usa ka anak nga lalaki ni Esau pinaagi sa iyang Hivihanong asawa nga si Oholibama. Si Jeus natawo sa Canaan, apan sa ulahi ang pamilya mibalhin sa Edom.​—Gen 36:​2, 5-8, 14, 18; 1Cr 1:35.

2. Usa ka kaliwat ni Benjamin; usa ka manggugubat ug nagpundar sa usa ka tribonhong banay.​—1Cr 7:​6, 10.

3. Usa ka Levihanong Gersonhon; anak nga lalaki ni Simei. Sanglit si Jeus ug si Berias nga iyang igsoong lalaki diyutay ra ug mga anak nga lalaki, ang ilang mga kaliwat sa panahon ni David nagtapo aron mahimong usa ka balay o banay sa amahan.​—1Cr 23:​7, 10, 11.

4. Ang unang ginganlan nga anak nga lalaki ni Haring Rehoboam, lagmit pinaagi sa iyang asawa nga si Mahalat. Tungod kay si Rehoboam mas nahigugma sa laing asawa, si Jeus gisayloan sa pagkahimong manununod nga hari.​—2Cr 11:18-23.

5. Usa ka Benjaminhon; usa sa mga kaliwat ni Haring Saul.​—1Cr 8:​33, 39.