KAMON

Ang dapit nga didto gilubong si Maghuhukom Jair. (Huk 10:5) Si Josephus naghisgot sa Kamon ingong “usa ka siyudad sa Gilead.” (Jewish Antiquities, V, 254 [vii, 6]) Daw kini mohaom sa paghisgot sa Kasulatan bahin kang Jair ingong usa ka “Gileadnon.” (Huk 10:3) Duha ka dapit sa S sa Jordan ang sagad nga giingong mao ang karaang Kamon. Ang usa mao ang Qamm, mga 18 km (11 mi) sa HS sa Dagat sa Galilea. Apan ang mga kagun-oban niini wala maghatag ug pamatuod nga kini gipuy-an una pa sa Romanhong kapanahonan. Ang laing dapit nga gisugyot mao ang dili kaayo dakong kagun-oban nga dili matino kon unsa na kadugay, nga nahimutang sa Qumeim, mga 3 km (2 mi) unahan pa dapit sa H.