KIRIATAIM

[Duha ka Lungsod].

1. Usa ka siyudad sa S sa Jordan, gitukod o gitukod pag-usab sa mga Rubenhon. (Num 32:37; Jos 13:​15, 19) Sa usa ka ulahing yugto ang siyudad nailalom sa paggahom sa Moab. Gihisgotan kini diha sa mga tagna ni Jeremias (48:1) ug Ezequiel (25:9) ingong usa ka siyudad sa Moab nga makaagom ug katalagman. Sayo pa niana, si Haring Mesa sa Moab sa ikasiyam nga siglo W.K.P. nanghambog bahin sa pagtukod sa Qaryaten (lagmit ang Kiriataim).

Kasagarang giisip sa mga eskolar nga kini nahimutang sa dapit nga duol sa Quraiyat, mga 10 km (6 mi) sa KAK sa Dibon. Apan, walay nahibiling mga butang nga nakaplagan didto nga naglungtad una pa sa unang siglo W.K.P., busa ang tukmang nahimutangan niini dili matino.

2. Usa ka dapit sa Neptali nga gihatag ngadto sa Levihanong mga Gersonhon (1Cr 6:​71, 76) ug gitawag nga Kartan diha sa Josue 21:32.​—Tan-awa ang KARTAN.