YUTA SA MAGLALABA

Lagmit usa ka dapit nga duol sa siyudad sa Jerusalem diin nagtrabaho ang mga maglalaba.

Si Isaias ug ang iyang anak nga lalaking si Sear-jasub nakigtagbo kang Haring Ahaz sa may “dakong dalan sa yuta sa maglalaba”; sa ulahi, ang mga sinugo ni Senakerib miabot sa samang dapit. (2Ha 18:17; Isa 7:3; 36:2) Kining “dakong dalan sa yuta sa maglalaba” dayag nga anaa sa gawas sa siyudad, bisan pa niana, kini duol ra tungod kay ang mga pagbiaybiay sa mga mensahero ni Senakerib madungog niadtong diha sa ibabaw sa mga paril sa siyudad.​—2Ha 18:​18, 26, 27; Isa 36:​1, 2.

Usa ka “agianan sa tubig” ang gihisgotan maylabot sa “dakong dalan sa yuta sa maglalaba.” Kini dili mahimong magtumong sa gitawag nga tunel ni Ezequias, kay kini wala pa mahimo sa panahon ni Ahaz. Busa mopatim-aw nga kini nga agianan sa tubig mao kadtong milatas sa bul-oganang walog sa Kidron paingon sa H nga tumoy sa Siyudad ni David. Ang yuta sa maglalaba lagmit nga nahimutang niining bahina sa walog o kaha sa unahan pa dapit sa H, duol sa gituohang dapit sa En-rogel.