LEB-KAMAY

[Kasingkasing Niadtong Mitindog Batok Kanako].

Mopatim-aw nga kini maoy usa ka takoban nga ngalan alang sa Caldea, o Kas·dimʹ. Makita lamang kini diha sa Jeremias 51:​1, sa usa ka pahayag mahitungod sa buhaton ni Jehova sa Babilonya ug sa mga molupyo sa Caldea. Ang termino gigamit didto agig pagsunod sa sistema nga gitawag ug athbash, nga niana ang kaulahiang letra sa Hebreohanong alpabeto (taw) naghawas sa unang letra niini (ʼaʹleph), ang ikaduha-sa-kaulahiang letra (shin) naghawas sa ikaduha (behth), ug uban pa. Busa, sa Jeremias 51:1 ang tinuod nga ngalan (Kas·dimʹ) gihimoan ug takoban pinaagi sa pagmugna ug Hebreohanong pulong nga Lev qa·maiʹ (Leb-kamay). Alang sa “Leb-kamay” ang Gregong Septuagint naggamit sa “mga Caldeanhon” ug ang mga Targum mabasa nga “ang yuta sa mga Caldeanhon.”