LO-AMI

[Dili Akong Katawhan].

Ang ngalan sa ikaduhang anak nga lalaki nga gipanganak ni Gomer nga asawa ni Oseas. Gisugo ni Jehova nga ang bata paganganlan niining makahuloganong ngalan aron ipakita nga Iya nang gisalikway ang walay-pagtuo nga Israel. (Os 1:​8, 9) Gituohan nga kining bataa dili anak ni Oseas kondili anak ni Gomer sa pagpanapaw (Os 1:2), kay sa dihang natawo si Jezreel, gikaingon nga si Gomer “nanganak kaniya [Oseas] ug usa ka lalaki,” samtang mahitungod kang Lo-ami giingon lamang nga “siya nagmabdos ug nanganak ug lalaki.”​—Os 1:​3, 8.