MADAI

Ang ikatulong gitala nga anak nga lalaki ni Japet. (Gen 10:2; 1Cr 1:5) Gituohan nga siya mao ang katigulangan sa mga Medianhon. Tungod niini nga pagsabot, ang Hebreohanong pulong nga Ma·dhaiʹ gihubad sa ubang mga teksto sa Bibliya ingong “mga Medianhon,” o “Media,” sama sa 2 Hari 17:6; 18:11; Ester 1:3; Isaias 13:17; 21:2; ug sa uban pang teksto. Ang mga Medianhon gitawag usab nga Madaia diha sa Asiro-Babilonyanhon (Akadianhon) ug Mada sa Karaang Persianhon. Sa usa ka panahon sa miagi, sila namuyo sa patag nga rehiyon sa ibabaw sa kabukiran sa Iran, ilabina tali sa Kabukiran sa Elburz (H sa Dagat Caspian) ug sa Kabukiran sa Zagros dapit sa S sa Asirya. Ang modernong ngalan nga Iran gikuha gikan sa pulong nga “Aryan,” usa ka termino nga gigamit sa pagtawag niadtong naggikan kang Japet.