MATANIAS

[Gasa ni Jehova].

1. Usa ka Levihanon, usa ka anak nga lalaki ni Heman. Siya gipili pinaagig ripa aron mangulo sa ikasiyam nga pundok sa mga tig-alagad nga Levihanong mga maghohoni ingon sa gihikay ni David.​—1Cr 25:​1, 4, 8, 9, 16.

2. Usa ka Levihanon sa mga anak nga lalaki ni Asap ug usa ka katigulangan ni Jahaziel. (2Cr 20:14) Lagmit siya ang Matanias nga gihisgotan sa 1 Cronicas 9:15 ug Nehemias 13:13. Tingali lain nga Matanias o ang hawas nianang banaya ang gihisgotan sa Nehemias 12:8; itandi ang Nehemias 11:​17, 22; 12:25.

3. Usa ka Levihanong kaliwat ni Asap nga mitabang sa paghinlo sa balay ni Jehova sa panahon ni Haring Ezequias.​—2Cr 29:12-16.

4. Usa ka anak nga lalaki ni Haring Josias ug ang uyoan ni Haring Jehoiakin. Gibutang siya sa trono sa Juda ni Nabucodonosor nga hari sa Babilonya, kinsa nag-ilis sa iyang ngalan ug Zedekias.​—2Ha 24:15-17; tan-awa ang ZEDEKIAS Num. 4.

5. Usa ka Israelinhon taliwala sa “mga anak ni Elam” kinsa nagpapahawa sa ilang langyawng mga asawa.​—Esd 10:​25, 26, 44.

6. Usa ka Israelinhon taliwala sa “mga anak ni Zatu” kinsa nagpapahawa sa ilang langyawng mga asawa.​—Esd 10:​25, 27, 44.

7. Usa ka Israelinhon taliwala sa “mga anak ni Pahat-moab” kinsa nagpapahawa sa ilang langyawng mga asawa.​—Esd 10:​25, 30, 44.

8. Usa ka Israelinhon taliwala sa “mga anak ni Bani” kinsa nagpapahawa sa ilang langyawng mga asawa.​—Esd 10:​25, 34, 37, 44.