NEHILOTH

Kini ang katumbas nga espeling sa nechi·lohthʹ, usa ka Hebreohanong termino nga wala matino ang gigikanan ug kahulogan, nga makita lamang diha sa superskripsiyon sa Salmo 5. Ang Nehiloth lagmit nga usa ka ekspresyon sa musika, ug daghan ang nagtuo nga kini nagtumong sa usa ka huyponon nga tulonggon ug naglangkit niini sa usa ka Hebreohanong lintunganayng pulong nga susama sa cha·lilʹ (plawta). Apan, ang prase nga “sa Nehiloth” lagmit nagpasabot sa usa ka honi. Ang Gregong Septuagint ug ang Latin nga Vulgate naghubad niini nga termino ingong “[alang] kaniya nga makapanunod.”