FEATURE
Imperyo sa Roma
ANG Roma gihubit diha sa tagna sa Bibliya ingong usa ka mananap nga “makahahadlok ug makalilisang ug talagsaon ang pagkakusganon,” nga may mga ngipon nga puthaw. (Dan 7:7) Kini ang imperyo nga gitugotan ni Jehova sa paglaglag sa Jerusalem niadtong 70 K.P.
Gitugotan sa Roma ang halos tanang matang sa relihiyosong buhat, basta kadtong nagbuhat niini moapil usab sa pagsimba sa emperador. Kini nga pagsimba sa emperador giisip nga usa ka hinungdanong butang aron mahiusa ang imperyo. Busa ang bisan kinsa nga dili makigbahin niini giisip nga mga kaaway sa estado. Ang mga Kristohanon wala makigbahin sa maong pagsimba. Busa, bisan tuod sila maoy matinud-anong mga lungsoranon, ang mga Kristohanon sagad nahimong tumong sa mapintas nga paglutos. Lakip niadtong nagsugo sa maong paglutos mao ang mga emperador nga si Nero, Domitian, Marcus Aurelius, ug Diocletian. Si Poncio Pilato, usa ka Romanong gobernador sa Judea, sa dihang gipit-os sa relihiyosong mga lider sa mga Hudiyo, nagsugo pa gani sa pagpapatay kang Jesu-Kristo, nga nagbuhat niadto tungod sa politikanhong mga intereses.
MAPA: Imperyo sa Roma
Si Agusto Cesar. Si Jesus natawo panahon sa iyang pagmando
Si Tiberio Cesar, ingon sa gihulagway diha sa usa ka sensilyo. Ang pagpatay kang Jesus nahitabo panahon sa paghari ni Tiberio
Si Claudio Cesar, kinsa naghingilin sa mga Hudiyo gikan sa Roma
Si Cesar Nero, nga sa iyang atubangan gihusay si apostol Pablo
Si Vespasian. Sa panahon sa iyang pagmando ang Jerusalem ug ang templo niini gilaglag
Si Tito, anak nga lalaki ni Vespasian, ingon sa makita diha sa usa ka Romanhong sensilyo. Siyam ka tuig human laglaga ang Jerusalem, siya nahimong emperador
Si Domitian. Ang opisyal nga paglutos sa mga Kristohanon miabot sa kinapungkayan niini panahon sa iyang pagmando, dayag nga miresulta sa pagkadestiyero ni apostol Juan
Mga kagun-oban sa Romanhong agianan sa tubig didto sa Cesarea. Kining dunggoanan nga siyudad, nga gitukod ni Herodes nga Bantogan, mao ang opisyal nga puloy-anan sa Romanong mga prokurador nga nagmando sa Judea
Kini nga mga haligi nga makita sa karaang Samaria nagpamatuod sa Romanhong impluwensiya didto
Usa ka larawan sa Torre (Kuta) sa Antonia. Kini nga torre nahimutang sa amihanan-kasadpang eskina sa sawang sa templo sa Jerusalem ug gigamit sa mga Romano aron sa pagbantay sa mga kalihokan sa dapit sa templo
Usa ka modelo sa hippodrome, o lumbaanan sa mga kabayo, nga dayag nga gitukod ni Herodes nga Bantogan didto sa Jerusalem. Sama sa Romanhong paagi, dihay mga lumba sa karo dinhi ug ang hinukman nga mga tawo paawayon sa mapintas nga mga mananap
Ang Arko ni Tito sa Roma nagpahinumdom sa kadaogan sa Roma batok sa Jerusalem niadtong 70 K.P.
Arko ni Tito. Usa ka linilok sa sulod nga bahin (ubos) nga nagpakita sa Romanong mga sundalo nga nagdala sa sagradong mga sudlanan gikan sa templo
Mga kagun-oban sa Kolesiyo sa Roma. Kini nagpabilin ingong usa ka pahinumdom sa mabangis nga kalingawan nga popular sa karaang Roma
Usa ka halaran nga gigamit sa pagsimba kang Cesar. Tungod kay ang mga Kristohanon dili mosunog ug insenso alang sa emperador, sila nahimong tumong sa mapintas nga paglutos