OPNI

Usa ka siyudad sa Benjamin (Jos 18:​21, 24), sagad nga gilangkit sa Gophna nga gihisgotan ni Josephus (The Jewish War, III, 55 [iii, 5]) ug giisip nga mao ang modernong Jifna. Kini nga dapit maoy mga 5 km (3 mi) sa AAK sa Bethel ug busa mopatim-aw nga A sa teritoryo sa Benjamin. (Jos 18:11-13) Aron mohaom kini nga kahubitan, angayng isipon nga ang Opni maoy usa ka sakop nga siyudad sa Benjamin nga nahimutang sa teritoryo sa Epraim o kaha ang utlanan sa Benjamin miabot paamihanan duol sa Bethel nga naglakip niining gituohang dapit sa Opni.