PELATIAS

[Si Jehova Nagtaganag Kaikyasan].

1. Usa sa upat ka Simeonhong mga pangulo nga nangulo sa 500 ka lalaki batok sa Bukid sa Seir ug gipatay ang nahibilin sa mga Amalekanhon, lagmit sa panahon sa paghari ni Ezequias.​—1Cr 4:41-43.

2. Anak nga lalaki ni Benaias; usa ka prinsipe sa Israel nga nakita ni Ezequiel diha sa panan-awon. Si Pelatias, uban kang Jaazanias, “naglaraw ug kadaot ug naghatag ug daotang tambag” batok sa Jerusalem. Si Ezequiel giinspirar sa pagpahayag ug usa ka tagna batok sa katawhan sa Israel, nga human niana namatay si Pelatias.​—Eze 11:1-13.

3. Usa ka layong kaliwat ni David ug apo nga lalaki ni Zorobabel. (1Cr 3:19-21) Lagmit mao ra ang Num. 4.

4. Usa ka pangulo sa banay nga naghawas diha sa pagpirma sa pakigsaad nga nagsaad sa dili pagkuha ug langyawng mga asawa.​—Neh 9:38; 10:​1, 14, 22; tan-awa ang Num. 3.