FEATURE
Ministeryo ni Apostol Pablo
GITUDLO ni Jesus nga mahimong apostol sa kanasoran, masibotong gituman ni Pablo ang iyang asaynment. (Rom 11:13) Sa iyang unang misyonaryong panaw, siya miadto sa Cipro ug dayon ngadto sa Asia Minor. Siya giabog sa magubtanong mga panon pagawas sa mga siyudad, gani siya gibato ug gibiyaan sa pagtuong patay na. Apan siya mibalik aron sa pagpalig-on niadtong nahimong mga tinun-an.
Sa iyang ikaduhang panaw, siya nakaabot sa Macedonia ug Gresya. Dinhi siya nakahatag ug pamatuod sa Areopago sa Atenas, ingon sa gipakita sa ubos.
Sa ikatulong panaw ni Pablo, siya nagwali sulod sa mga tulo ka tuig sa Efeso, usa ka sentro sa Romanhong kalibotan. Unya siya miadto sa Macedonia ug Gresya aron sa pagpalig-on sa mga kongregasyon didto.
Sa dihang gibilanggo sa Romanhong kagamhanan, gigamit pag-ayo ni Pablo ang iyang panahon sa pagsulat ug inspiradong mga sulat nga maoy bahin sa Bibliya karong adlawa.
MAPA: Unang Misyonaryong Panaw ni Pablo
MAPA: Ikaduhang Misyonaryong Panaw ni Pablo
MAPA: Ikatulong Misyonaryong Panaw ni Pablo
Damasco, ang dalan nga gitawag ug Tul-id. Human sa iyang pagkakabig, ang nabuta nga si Saulo giagak ngadto sa usa ka balay sa daplin niining dalana (Buh 9:3-16)
Teatro sa Efeso diin ang mga magsisimba ni Artemis (gisal-ot nga hulagway) nagpahinabog kagubot sa pagprotesta batok sa ministeryo ni Pablo (Buh 19:29-41)
Mga kagun-oban sa Antioquia sa Pisidia. Human si Pablo makahatag ug epektibong pamatuod sulod sa sinagoga dinhi, siya giabog pagawas sa siyudad sa nasukong magubtanon nga panon (Buh 13:14-50)
Nailhang dapit diin gibilanggo si Pablo sa Filipos. Si Pablo gibunalan ug gibilanggo niini nga siyudad, apan ang magbalantay sa bilanggoan ug ang iyang panimalay nahimong mga Kristohanon (Buh 16:19-34)
Paril sa karaang Tesalonica. Dinhi niini nga si Pablo nangatarongan sa katawhan pinasukad sa Kasulatan ug human niana, ang siyudad gigubot sa nasukong magubtanon nga panon (Buh 17:1-9)
Mga kagun-oban sa karaang Corinto (sa ubos), nga sa unahan niini makita ang Acrocorinto. Si Pablo naningkamot sa pagpalig-on sa mga Kristohanon dinhi sa Corinto batok sa imoral nga paagi sa kinabuhi nga naglibot kanila
Acropolis sa Atenas sumala sa makita karong adlawa (sa tuo). Sa tuong bahin sa atubangan mao ang Areopago, diin namulong si Pablo
MAPA: Panaw ni Pablo Paingon sa Roma
Si Pablo binantayan sulod sa usa ka balay didto sa Roma sulod sa duha ka tuig; nianang panahona siya misulat ug lima ka inspiradong mga sulat ngadto sa mga isigka-Kristohanon