SABTA

Usa ka anak nga lalaki ni Cus ug igsoon ni Nimrod; katigulangan sa usa sa 70 ka banay human sa Lunop. (Gen 10:​7, 8, 32; 1Cr 1:​9, 10) Ang mga kaliwat ni Sabta mopatim-awng nanimuyo sa habagatang Arabia, tingali sa usa sa mga dapit nga sa ulahi ginganlan ug susama sa iyang ngalan. Gituohan nga mao kini ang Sabota, ang karaang kaulohan sa Hadhramaut, ug si Ptolemy naghisgot sa usa ka lungsod nga gitawag ug Sapta nga duol sa Gulpo sa Persia, apan ang bisan unsang kalangkitan niining mga dapita sa Sabta nagpabiling dili tino.