SALMAN

[gikan sa lintunganayng pulong nga nagkahulogang “nakigdait; nagbayad; nagbalos”].

Ang nangagaw sa balay ni Arbel kinsa gihisgotan ni Oseas sa dihang nanagna batok sa dili-matinuohong amihanang gingharian sa Israel. Bisag wala hisgoti si Salman ug si Arbel diha sa Bibliya, ang lakbit apan pintok nga paghisgot ni Oseas bahin kanila nagpasabot nga ang hitabo lab-as pa sa hunahuna sa iyang mga mamiminaw.​—Os 10:14.

May usa ka inskripsiyon ni Tiglat-pileser III diha sa usa ka tinukod ang naghisgot sa usa ka prinsipe sa Moab nga ginganlan ug Salamanu, apan walay makasaysayanhong basehanan ang paglangkit kaniya sa usa ka pagpangagaw didto sa Israel.​—Ancient Near Eastern Texts, giedit ni J. Pritchard, 1974, p. 282.

Busa ang Salman gituohan sa kadaghanan nga usa ka pinamubo sa “Salmaneser,” ang ngalan sa lima ka Asiryanhong mga hari. Si Salmaneser V lagmit mao ang tawong gihisgotan dinhi, kay sa naghinapos na ang yugto sa pagpanagna ni Oseas, si Salmaneser V misulong sa Israel ug milikos sa Samaria.