SAMIR

1. Usa ka Levihanon nga anak nga lalaki ni Miqueas.​—1Cr 24:​20, 24.

2. Usa ka siyudad sa bukirong rehiyon sa Juda. (Jos 15:​20, 48) Ang karaang ngalan niini daw napreserbar diha sa ngalang Khirbet Somerah, bisan tuod ang aktuwal nga nahimutangan niini gituohan nga duol ra sa el-Bireh, mga 20 km (12 mi) sa HK sa Hebron.

3. Ang pinuy-anan ug lubnganan ni Maghuhukom Tola sa bukirong rehiyon sa Epraim. (Huk 10:​1, 2) Ang Samir lagmit nga nahimutang diha sa ulahing lokasyon sa Samaria o duol niini. Kini nga panglantaw daw gipaluyohan sa Codex Alexandrinus (LXX), diin kini mabasang Sa·ma·reiʹai (Samaria) sa Maghuhukom 10:1.