SAREZER

1. Usa ka anak nga lalaki sa Asiryanhon nga si Haring Senakerib. Human mapildi ang iyang amahan pinaagi sa pagmaniobra ni Jehova, si Sarezer ug ang iyang igsoong lalaki nga si Adramelek nagpatay sa ilang amahan pinaagi sa espada samtang siya nagyukbo sa iyang idolo nga diyos, ug human niana sila mikalagiw ngadto sa yuta sa Ararat. (2Ha 19:​7, 35-37; Isa 37:38) Diha sa usa ka inskripsiyon, giangkon sa ilang igsoong lalaki nga si Esar-hadon, ang manununod ni Senakerib, nga iyang gigukod ang mga mamumuno sa iyang amahan.​—Tan-awa ang ESAR-HADON.

2. Ang unang ginganlan sa duha ka hawas nga gipadala sa Bethel human sa pagkadestiyero, mga duha ka tuig una pa matapos ang pagtukod pag-usab sa templo, aron sa “paglukmay sa nawong ni Jehova” ug sa pagpakisayod kon angayan ba nga magpuasa.​—Zac 7:1-3; Esd 6:15.