SIMEA

[lagmit pinamubo sa Semaias, nga nagkahulogang “Si Jehova Namati (Nagpatalinghog)”].

1. Usa ka Merarihanong Levihanon.​—1Cr 6:​29, 30.

2. Katigulangan sa maghohoni sa templo nga si Asap sa Levihanong banay ni Gerson (Gersom).​—1Cr 6:​1, 39, 43; Ex 6:16.

3. Anak nga lalaki ni Miklot, usa ka Benjaminhon nga kadugo sa mga katigulangan ni Haring Saul; gitawag usab nga Simeam.​—1Cr 8:32; 9:35-39.

4. Laing ngalan sa igsoong lalaki ni David nga si Sammah. Ang ikatulong anak nga lalaki ni Jese, busa magulang ni David.​—1Sa 16:9; 2Sa 13:​3, 32; 1Cr 2:​13, 15; 20:7; tan-awa ang SAMMAH Num. 2.

5. Usa ka anak nga lalaki nga gipanganak ni Bat-seba kang David. (1Cr 3:5) Sa ubang teksto siya gitawag ug Samua.​—2Sa 5:14; 1Cr 14:4.