SIMEONHON

[Kang (Iya ni) Simeon].

Ang mga kaliwat sa ikaduhang anak nga lalaki ni Jacob nga si Simeon. Human sa duolan ug 40 ka tuig nga paglatagaw sa kamingawan, ang gidaghanon sa mga lalaking Simeonhon nga 20 anyos ug pataas ug kuwalipikado nga magsundalo mikabat lamang ug 22,200, nga maoy kinagamyan sa 12 ka tribo. Gibahin sila ngadto sa lima ka pangunang banay​—ang mga Nemuelnon, Jaminhon, Jakinhon, Zerahanon, ug Shaulnon. (Num 25:14; 26:​1, 2, 12-14; Jos 21:4; 1Cr 27:16) Kon diha man ganiy mga kaliwat ang ikaunom nga anak nga lalaki nga si Ohad, sa dihang gihimo kining ikaduhang pagsenso, lagmit sila diyutay ra kaayo aron itala pa ingong bulag nga banay.​—Gen 46:10; Ex 6:15.