SIYUDAD NGA TIPIGANAN

Ang mga siyudad nga linaing gidisenyo ingong mga sentrong tipiganan sa kagamhanan. Ang gireserbang mga suplay sama sa lugas, ingon man usab sa ubang mga butang, gitipigan diha sa mga bodega ug mga kamalig nga gitukod niini nga mga dapit.

Ilalom sa Ehiptohanong pagpanglupig, ang mga Israelinhon gipugos sa pagtukod ug “mga siyudad ingong mga dapit nga tipiganan alang kang Paraon, nga mao, ang Pitom ug ang Raamses.” (Ex 1:11) Ang mga siyudad nga tipiganan gitukod usab ni Solomon. (1Ha 9:17-19; 2Cr 8:4-6) Sa ulahi, samtang miuswag si Haring Jehosapat, “siya nagpadayon sa pagtukod ug kinutaang mga dapit ug mga siyudad nga tipiganan diha sa Juda.”​—2Cr 17:12; tan-awa ang BALAY-TIPIGANAN.