UHOT

Ang naugang mga lindog sa mga lugas sama sa trigo ug sebada; diha sa Bibliya, mao kini ang mga lindog nga nahibilin human sa paggiok. Sa karaang panahon ang uhot, nga lunlon o kaha isagol sa ubang mga lawog, gigamit ingong pagkaon sa binuhing mga hayop. (Gen 24:​25, 32; Huk 19:19; 1Ha 4:28; Isa 11:7; 65:25) Ang uhot gigamit usab sa paggama ug mga tisa. (Ex 5:7-18; tan-awa ang TISA.) Kini makita diha sa masambingayong mga paglarawan maylabot sa kalaglagan sa mga daotan (Job 21:18) ug sa pagkasakop ug pagkapaubos sa Moab. (Isa 25:10-12) Ang gamhanang Leviatan gilarawan nga nag-isip sa puthaw ingon sa uhot lamang.​—Job 41:​1, 27.