SUCOT-BENOT

[Mga Balongbalong ni Benot].

Usa ka bathala nga gisimba sa mga Babilonyanhon nga gidala sa hari sa Asirya ngadto sa mga siyudad sa Samaria human madestiyero niya ang mga Israelinhon sa napulo-ka-tribong gingharian. (2Ha 17:30) Ang pipila ka eskolar nagtuo nga ang ngalang “Sucot-benot” maoy Hebreohanong porma sa Sarpanitu, ang asawa ni Merodak (Marduk). Ang uban mipalabi sa pagtuo nga siya mao si Merodak, o Marduk, tungod kay ang ngalan nga “Sucot-benot” lagmit maoy Sakut(h)banʼwat(h), nga nagkahulogang “ang Magtatambag, Maglalalang sa Yuta.” Kini nga titulo gisabot nga mapadapat kang Merodak, kinsa giisip sa mga Babilonyanhon ingong maglalalang sa kalibotan.