TABEEL

[Maayo ang Diyos].

1. Amahan sa usa ka tawo nga gitinguha sa mga hari sa Israel ug Sirya nga ibutang sa trono sa Jerusalem kon ilang mabihag ang kaulohan sa Juda. Ang ngalan sa iyang anak wala hisgoti. Kini nahitabo sulod sa yugto sa dihang ang paghari ni Ahaz ug Peka nag-abot (tali sa mga 762 ug 759 W.K.P.).​—Isa 7:​5, 6.

2. Kaubang awtor sa Aramaikong sulat nga gipadala ngadto kang Haring Artajerjes sa Persia nga nagsupak sa buluhaton sa mga Hudiyo sa pagpanukod pag-usab didto sa Jerusalem ug misangpot sa paghunong sa pagtukod pag-usab sa templo.​—Esd 4:​7, 24.