TEMANHON

[Kang (Iya ni) Teman].

Usa ka termino nga kasagarang gisabot nga nagtumong sa usa ka lumad sa Teman sa Edom. Ang kanhing hari sa Edom nga si Husam naggikan sa “yuta sa mga Temanhon,” ug si Elipaz, usa sa tulo ka higala ni Job, maoy usa ka Temanhon. (Gen 36:31-34; Job 2:11; 4:1; 42:7) Mahimong ikaingon nga si Elipaz naggikan sa Teman sa Edom sanglit gituohan man nga ang yuta sa Uz, diin nagpuyo si Job, maoy duol sa Edom. Apan, ang pipila ka eskolar nagtuo nga lagmit ang Elipaz nga gihisgotan diha sa basahon ni Job wala maggikan sa Teman apan naggikan sa Tema nga gituohan nga mao ang usa ka tubigan nga dapit duol sa Peninsula sa Arabia nga mga 400 km (250 mi) sa HS sa Ezion-geber.​—Job 6:19.