TIMNAT-SERA

Ang siyudad nga gihatag kang Josue ingong iyang panulondon didto sa bukirong rehiyon sa Epraim. Iyang gipangayo ang Timnat-sera, ug kini gihatag sa mga anak sa Israel ngadto kaniya “sa sugo ni Jehova.” Gitukod ni Josue ang siyudad ug sa ulahi gilubong siya didto. (Jos 19:​49, 50; 24:30) Ang mabasa sa Maghuhukom 2:9 maoy “Timnat-heres” inay nga “Timnat-sera” diha sa Hebreohanon nga Masoretikong teksto ug sa Gregong Septuagint. Ang hinungdan sa panaglahi niini nga mga ngalan wala mahibaloi.

Gituohan sa pipila nga ang Timnat-sera mao ang Khirbet Tibnah, mga 30 km (19 mi) sa HK sa Sekem. Ang Khirbet Tibnah nahimutang sa kasadpang kiliran sa bukirong rehiyon ug nag-umbaw sa patag daplin sa baybayon. Ang nahimutangan sa Bukid sa Gaas, sa H sa Timnat-sera (Timnat-heres) (Jos 24:30; Huk 2:9), sa pagkakaron dili gayod matino.