TUBAL-CAIN

Ang anak nga lalaki ni Lamek sa iyang ikaduhang asawa nga si Zila; busa, usa ka kaliwat ni Cain ug igsoon ni Jabal ug Jubal sa amahan. Siya may igsoong babaye nga ginganlag Naama. (Gen 4:17-22) Si Tubal-cain maoy “mananalsal sa tanang matang sa himan nga tumbaga ug puthaw,” nga mahimong sabton nga siya mao ang nag-imbento sa maong matang sa mga himan o kaha siya ang mag-uugda o nailado niini nga buluhaton.