ZEBOIM

[Mga Hyena].

1. Usa ka walog diha sa teritoryo sa Benjamin nga duol sa Mikmas. Sa adlaw ni Haring Saul, ang usa ka pundok sa Filistehanong mga mangingilog mosulong gikan sa Mikmas ug “moagi sa dalan paingon sa utlanan nga nag-atubang sa walog sa Zeboim, ngadto sa kamingawan.” (1Sa 13:16-18) Bisan tuod nga dili matino ang nahimutangan niini, ang walog sa Zeboim lagmit mao ang Wadi Abu Dabaʽ (nagkahulogang “Walog sa Amahan sa mga Hyena”) nga mga 10 km (6 mi) sa SHS sa Mikmas ug mga 13 km (8 mi) sa SAS sa Jerusalem.

2. Usa ka lungsod nga gipuy-an sa mga Benjaminhon human sila makabalik gikan sa pagkadestiyero sa Babilonya. Kini gihisgotan nga nahimutang tali sa Hadid ug Nebalat ug sa Lod (Lydda). (Neh 11:​31, 34, 35) Ang tukmang nahimutangan niini sa pagkakaron wala mahibaloi.