ZOPIM

Usa ka yuta sa ibabaw sa Pisga diin si Balaam nagpatukod ug pito ka halaran, diin didto gitanyag ang mga halad, ug didto usab gipahayag sa manalagna ang usa sa iyang mga panultihon maylabot sa Israel. (Num 23:14-24) Ang ngalang Zopim daw napreserbar diha sa ngalang Telaʽat es-Safa duol sa gituohang nahimutangan sa Pisga, sa S sa A nga tumoy sa Patayng Dagat. Apan, inay nga isipon kini nga usa ka ngalan sa dapit, ang pipila ka eskolar naghubad sa pulong nga tsoh·phimʹ ingong “ang yuta sa mga tigbantay.”​—Le; itandi ang JB, NE.