Nangandoy Ka ba sa Panahon sa Dihang . . .

□ mobati kang luwas ug layo sa kadaotan sulod sa imong balay—bisan unsang orasa sa adlaw?

□ dili na kinahanglan ang mga kandado, mga trangka, mga alarma, mga lilianan, mga alad, mga guwardiya, mga bantay nga iro, ug ubang paigo sa seguridad?

□ makalakaw ka sa kadalanan nga nagainusara nga hingpit layo sa peligro, bisan sa magabii?

□ ang makadaot nga mga droga ug tanang nalangkit nga mga problema niana dili na mahinumdoman?

□ wala na ang tanang gubat, ug walay mga armas nga gam-on o ipondo?

□ dili ka na mabalaka bahin sa nahugawang pagkaon, hangin, ug tubig?

□ ang terorismo, panguhag mga bihag, ug mga bahad sa pamomba bug-os mawala na?

□ ang katigayonan sa kinaiyahan mapanalipdan, mamentenar, ug magamit nga maalamon sa kaayohan sa tanan?

□ ang kadalo ug kahakog dili na mao ang mga panukmod taliwala sa katawhan?

□ ang mga bata padayong makabaton sa ilang pagkainosente ug magmatinahoron sa uban ug sa ilang propiedad?

□ ang kababayen-an dili na daogdaogon ug biktimahon?

□ ang mga balaod ug kalagdaan mahimong makataronganon ug ipadapat nga angay-angay sa kaayohan sa tanan?

□ ang kagamhanan mohimog mga desisyon nga gipasukad sa tinuod nga mga panginahanglan ug dili sa politika?

□ ang kagawasan ug pagkamanagsama dili lang iwali apan ipadapat usab?

□ wala na ang kakabos, apan ang tanan makabaton sa bisan unsang gikinahanglan alang sa ilang maayong panglawas, kaayohan, ug kalipay?

□ ang mga bata magustohan ug atimanon ug dili gayod abusohan o iabandono?

□ ang sakit ug kamatayon mapukgo na, ug wala nay gikalisangang mga hampak?

□ ang tanan nga imong mahibalag maoy maluluton, matinabangon, ug kasaligan?

□ ang kinabuhi sa matag usa tinuod nga pabilhan, ug ang tanan makakaplag sa malungtarong kalipay?

□ ang relihiyon dili na makapabahing puwersa, nga mosangpot sa pagkapanatiko, dinumtanay, ug mga gubat?

□ ang tanan magbaton sa igo ug nindot nga mga dapit nga puy-anan, ug ang kawalay-balay mahimong butang sa kagahapon?

Kon ikaw makaingong oo sa bisan hain sa ibabaw, ikaw maikag sa pagbasa sa mga artikulo nga mosunod.