Tinuig nga Miting—Oktubre 7, 1995

ANG TINUIG NGA MITING sa mga membro sa Watch Tower Bible and Tract Society of Pennsylvania pagahimoon sa Oktubre 7, 1995, sa Assembly Hall of Jehovah’s Witnesses, 2932 Kennedy Boulevard, Jersey City, New Jersey. Ang usa ka pasiunang miting sa mga membro lamang himoon sa alas 9:30 s.b., nga sundan sa kinatibuk-ang tinuig nga miting sa alas 10:00 s.b.

Ang mga membro sa Korporasyon angayng magpahibalo sa Opisina sa Sekretaryo karon sa bisan unsang kausaban sa ilang mga adres sa sulat sa miaging tuig aron ang regular nga mga sulat sa pahibalo ug mga proxy makaabot kanila sulod sa Hulyo.

Ang mga proxy, nga igapadala ngadto sa mga membro uban sa pahibalo sa tinuig nga miting, angayng ibalik aron makaabot sa Opisina sa Sekretaryo sa Sosyedad nga dili molapas sa Agosto 1. Ang matag membro angayng magkompleto ug magbalik dayon sa iyang proxy, nga magpahayag kon siya motambong sa miting sa personal o dili. Ang impormasyon nga ihatag diha sa matag proxy kinahanglang tino niining puntoha, sanglit kini saligan sa pagtino kon kinsa unya ang presente sa personal.

Gidahom nga ang tibuok sesyon, apil ang pormal nga miting pamatigayon ug mga taho, pagataposon sa ala 1:00 s.h. o dili madugay human niana. Wala nay sesyon sa hapon. Tungod sa limitadong lugar, ang pagpasulod maoy pinaagi lamang sa tiket. Walay himoong mga kahikayan sa pagkonektar sa tinuig nga miting pinaagig mga linya sa telepono ngadto sa ubang mga awditoryum.