Pangutana

◼ Angay bang magbaton ang kongregasyon ug kompletong mapa sa teritoryo nga gipasundayag diha sa Kingdom Hall?

Oo, ang kompletong mapa sa teritoryo angayng ipahiluna diha sa kuwadro ug ipasundayag diha sa bungbong sa Kingdom Hall. Ang mapa dili angayng ibutang diha sa information board. Kinahanglang ipakita niini ang kinatibuk-ang mga utlanan sa natudlong teritoryo sa kongregasyon ug mga utlanan sa matag indibiduwal nga teritoryo uban sa natudlong numero niini. Ang mga utlanan sa teritoryo sa tanang kongregasyon nga naggamit sa samang Kingdom Hall angayng ipakita. Ang pagpakita sa mga dapit sa Pagtuon sa Libro sa Kongregasyon diha sa mapa makatabang usab sa tanan nga matultolan ang pagtuon sa libro nga sila naasayn niana.

Ang pagpasundayag sa maong mapa makatabang niadtong buot mopilig teritoryo nga duol sa ilang balay. Usahay kini mahimong magpadali sa mga tigom sa dayon nang pagsangyaw, nga magpaarang sa tagdumala nga magiyahan gilayon ang matag grupo sa mga magmamantala ngadto sa dapit nga natudlo nga kobrehan nila.

Ang mapa magpamatuod usab nga ang kongregasyon organisado aron bug-os nga isangyaw ang mensahe sa Gingharian diha sa natudlong teritoryo niini.​—Luc. 9:6.