Pagkakat-on Gikan sa Video nga The Bible—Accurate History, Reliable Prophecy
Human sa pagtan-aw niini nga video, makatubag ka ba niining mga pangutanaha? (1) Kinsa ang Tinubdan sa kasaligang impormasyon sa Bibliya? (Dan. 2:28) (2) Sa unsang paagi tin-awng gihubit sa Bibliya ang karaang Ehipto, ug sa unsang paagi ang tagna nga natala sa Isaias 19:3, 4 natuman? (3) Giunsa pagkompirmar sa arkeolohiya ang paghulagway sa Bibliya sa mga Asiryanhon, ilang mga hari, ug gisangpotan sa Asirya? (Nah. 3:1, 7, 13) (4) Unsang mga tagna nga naglangkit sa Babilonya ang napamatud-ang kasaligan? (5) Unsang epekto ang nahimo sa Medo-Persia diha sa katawhan sa Diyos? (6) Sa unsang paagi ang Daniel 8:5, 8 natuman, ug unsa ka dugay nga abanteng gitagna kini? (7) Giunsa pagpamatuod ni Jesus nga siya mao ang tinuod nga Mesiyas? (8) Unsang modernong politikanhong mga gahom ang nagtuman sa mga tagna diha sa Pinadayag 13:11 ug 17:11? (9) Unsang mga talan-awon sa video ang nagpamatuod sa kamatinud-anon sa Ecclesiastes 8:9? (10) Sa unsang paagi kining presentasyona nagpalig-on sa imong pagtuo diha sa mga saad sa Bibliya alang sa umaabot? (11) Sa unsang paagi imong magamit kini nga himan sa pagkombinsir sa uban nga ang Bibliya maoy gikan sa Diyos?