Kon Unsay Isulti Labot sa mga Magasin

Ang bantayanang Torre Dis. 15

“Niining panahona sa tuig, kadaghanang tawo naghunahuna bahin kang Jesu-Kristo, motuo man sila kaniya o dili. Ang uban nag-ingon nga siya dili tinuod nga persona. Unsay imong hunahuna? [Human sa tubag, basaha ang Mateo 16:​15, 16.] Segurado ako nga malingaw ka sa pagbasa niining artikuloha mahitungod sa ‘Tinuod nga Jesus’ aron imong masabtan kon sa unsang paagi siya nagaapektar kanimo karon ug makaapektar kanimo sa umaabot.”

Pagmata! Dis. 22

“Di ka ba mouyon nga aron makaseguro sa kinabuhi, kita nagkinahanglan ug di-makadaot, kasaligan nga suplay sa pagkaon? [Tugoting motubag.] Matikdi kon unsay gisaad sa Diyos sa iyang katawhan balik sa kapanahonan sa Bibliya. [Basaha ang Levitico 26:​4, 5.] Ang Pagmata! naghisgot sa mga kabalaka nga naglungtad karon bahin sa atong pagkaon. Kini usab nagpunting sa usa ka panahon nga ang Diyos maghatag kanatog kasegurohan sa tibuok yuta.”

Ang bantayanang Torre Ene. 1

“Nahibulong ka ba sukad kon nganong ang ubang mga tawo maorag adunay haruhay nga kinabuhi samtang ang uban nag-ilaid sa kalisod sa panginabuhi? Ang Bibliya adunay giingon labot niana. [Basaha ang Job 34:19.] Kon sa unsang paagi ipahinabo sa Diyos ang paghanaw sa mga kalainan sa kahimtang sa kinabuhi gipatin-aw niining magasina.”

Pagmata! Ene. 8

“Kitang tanan nahibalo niining nakapauyog-sa-kalibotan nga trahedya. Sukad niadto, ang mga tawo nagkinahanglag dakong kahupayan ug tabang. Kining artikuloha, lakip sa ubang mga butang, nagpatin-aw kon unsa nay nahimo sa mga Saksi ni Jehova sa pagtabang sa mga nakalabang-buhi, sa mga obrero sa emerhensiya, ug sa mga namatyan.”