Kon Unsay Isulti Bahin sa mga Magasin
Ang Bantayanang Torre Dis. 15
“Daghang tawo ang nabalaka nga ang pagsaulog sa Pasko ug Bag-ong Tuig nahimo nang komersiyo. Sa imong hunahuna, nawala na ba ang tinuod nga gipasiugda niini? [Patubaga.] Kining magasina naghisgot kon sa unsang paagi ang pagsaulog sa Pasko ug Bag-ong Tuig nausab sa paglabay sa panahon. Gihisgotan usab niini kon sa unsang paagi atong mapasidunggan gayod ang Diyos ug si Kristo.” Basaha ang Juan 17:3.
Pagmata! Dis. 22
“Mga 85 ka tuig kanhi, usa ka epidemyang sakit ang nakapatay ug mas daghang tawo sulod sa 24 ka semana kay sa napatay sa AIDS sulod sa 24 ka tuig. Ang pipila nagtawag niining kinagrabehang hampak sa kasaysayan. Nakadungog ka na ba sukad bahin sa trangkaso Espanyola? [Patubaga.] Kining magasina naghisgot kon mahitabo pa kaha pag-usab kadtong hampaka. Kini naghatag usab ug katarongan sa paglaom.” Basaha ang Isaias 33:24.
Ang Bantayanang Torre Ene. 1
“Ang mga tawo adunay katakos sa pagbuhat gayod ug maayo, apan sila subsob nagbuhat ug daotan kaayong mga butang. Nahibulong ka ba kon ngano? [Patubaga.] Kining magasina naghatag sa tubag sa Bibliya. Gisaysay usab niini kon sa unsang paagi ang maayo modaog ra gayod batok sa daotan.” Basaha ang Roma 16:20.
Pagmata! Ene.
“Nakahunahuna ka na ba sukad kon unsay mahimong kahimtang sa kalibotan mga 20 o 30 ka tuig gikan karon? [Patubaga. Unya basaha ang Salmo 119:105.] Ang Bibliya naglamdag sa alagianan sa unahan aron kita makahibalo kon unsay anaa sa umaabot. Kining magasina nagsusi sa mga tagna nga nagpakita kon haing bahina na kita sa agos sa panahon nagkinabuhi ug kon nganong kita makadahom ug masanag nga kaugmaon.”