Mga Kausaban sa Librong Pinadayag—Hingpit nga Sangkoanan Niini Haduol Na!
Gilista sa ubos ang dagkong mga kausaban sa librong Pinadayag—Hingpit nga Sangkoanan Niini Haduol Na! nga gipatik niadtong 1988. Kining listahana wala maglakip sa pipila ka kausaban sa estadistika, nga makita diha sa kinaulahiang Tinuig nga Basahon ug sa ubang mga publikasyon.
KAPITULO 4
p. 19, ¶4, papasa ang kataposang teksto: Mateo 25:31-33
KAPITULO 5
p. 24, ¶3, ilisi ang potnot ug: * Alang sa detalyadong katin-awan, tan-awa ang librong Unsay Tinuod nga Gitudlo sa Bibliya? panid 88-92, 215-18, nga gipatik sa mga Saksi ni Jehova.
KAPITULO 6
p. 30, ¶11, linya 8, ilisi ang “2 Pedro 3:1-3” ug: 2 Pedro 2:1-3
p. 30, ¶12, ilisi ang ikaunom nga tudling-pulong ug: Sa kataposan, giaprobahan sa Romanong Emperador nga si Constantino ang “Kristiyanidad” ingon nga relihiyon sa estado, ug kini misangpot sa pagkatukod sa Kakristiyanohan, diin giusa sa Simbahan ug sa Estado ang ilang mga puwersa sa pagmando sulod sa usa ka libo ka tuig.
p. 32, kahon, ilisi ang unang parapo ug: Si Jesus gibawtismohan sa Suba sa Jordan ug gidihogan ingong Tinudlong-Hari sa mga Oktubre 29 K.P. Paglabay sa tulo ka tuig ug tunga, sa 33 K.P., siya miadto sa templo sa Jerusalem ug gipang-abog kadtong naghimo niini nga usa ka langob sa mga tulisan. Daw kaamgid kini sa yugto nga tulo ka tuig ug tunga sukad si Jesus naentrono sa mga langit niadtong Oktubre 1914 hangtod nga siya miabot sa pagsusi sa nag-angkong mga Kristohanon sa nagsugod ang paghukom sa panimalay sa Diyos. (Mateo 21:12, 13; 1 Pedro 4:17) Sayo sa 1918 ang kalihokan sa Gingharian sa katawhan ni Jehova nakaatubang ug dakong pagsupak. Usa kadto ka panahon sa pagsulay sa tibuok yuta, ug ang mga mahinadlokon gisala. Sa Mayo 1918, sa sugyot sa mga klero sa Kakristiyanohan, gibilanggo ang mga opisyal sa Watch Tower Society, apan paglabay sa siyam ka bulan sila gibuhian. Sa ulahi, ang mga sumbong batok kanila giatras. Gikan sa 1919 ang organisasyon sa katawhan sa Diyos, nga nasulayan ug nalunsay, miuswag sa dakong kadasig sa pagmantala sa Gingharian ni Jehova pinaagi ni Kristo Jesus ingong paglaom sa katawhan.—Malaquias 3:1-3.
KAPITULO 8
p. 40, ¶8, linya 4, ilisi ang “125 ka sayop” ug: 130 ka sayop
p. 40, ¶10, ilisi ang kataposang tudling-pulong ug: Sa Korte Suprema sa Tinipong Bansa lamang, 50 ka kaso na ang nadaog sa mga Saksi ni Jehova.
KAPITULO 10
p. 50, ¶11, ilisi ang potnot ug: * Pananglitan, tan-awa ang artikulong “Matinumanon nga Kristohanong mga Babaye—Bililhong mga Magsisimba sa Diyos” sa Nobyembre 1, 2003, nga gula sa Ang Bantayanang Torre.
KAPITULO 11
p. 56, ¶9, ilisi ang ikaduhang bahin sa parapo ug: Maylabot niini, ang magasing Bantayanang Torre naghatag ug pagdasig pinaagi sa paghisgot ug mga topiko sama sa “Padayong Pamatud-i Kon Unsa Kamo sa Inyong Kaugalingon” ug “Pagkinabuhi nga Dili na Alang sa Atong Kaugalingon.”* Kay nakabaton niining Kasulatanhong tabang, atong susihon ang atong kinasulorang pagbati samtang kita naningkamot sa paglakaw nga mapaubsanon ug mainampoon diha sa dalan sa integridad atubangan ni Jehova.—Salmo 26:1-3; 139:23, 24.
p. 56, ¶9, ilisi ang potnot ug: * Tan-awa Ang Bantayanang Torre, Hulyo 15, 2005, ug Marso 15, 2005.
KAPITULO 12
p. 61, ¶14, ilisi ang potnot ug: # Ang magasing Bantayanang Torre, nga gipatik sa Juan nga matang, nagpadayon sa pagpasiugda sa pagkadinalian sa pagpahimulos niini nga kahigayonan ug sa pagpakig-ambit sa bug-os sa pagsangyaw kutob sa maarangan; pananglitan, tan-awa ang mga artikulong “Pahimayaa ang Tanan Kang Jehova” ug “Ang Ilang Tingog Miabot sa Tibuok nga Yuta” sa Enero 1, 2004 nga gula sa Ang Bantayanang Torre. Sa Hunyo 1, 2004 nga gula, sa artikulong “Bulahan Kadtong Nagahimaya sa Diyos,” gipasiugda ang pagsulod sa “binuksan nga pultahan” sa bug-os-panahong pag-alagad. Dihay kinatas-ang ihap nga 1,093,552 ka payunir nga nagtaho sa maong pag-alagad sa usa ka bulan sa 2005.
KAPITULO 13
p. 69, ¶11, ilisi ang kataposang tudling-pulong ug: Halos 40 ka tuig nga abante, sila nagpunting sa 1914 ingong ang tuig nga gipakita sa tagna sa Bibliya nga maoy kataposan sa mga panahon sa mga Hentil, nga duyogan ug makapakurat nga mga panghitabo sa yuta.—Pinadayag 1:10.
p. 69, ¶12, lindog 2, linya 10, ilisi ang “El Paso, Texas,” ug: Pampa, Texas,
p. 71, ¶14, linya 3 ug 4, ilisi ang “kapin sa 20 ka milyon sa 1988” ug: kapin sa 59 ka milyon sa 2006
p. 73, ¶23, linya 14, papasa ang teksto: Mateo 25:31
KAPITULO 16
p. 90, ¶4, ilisi ang ikaduhang potnot ug: * Alang sa detalyadong pamatuod nga si Jesus nagmando na sa iyang Gingharian sa 1914, tan-awa ang panid 215-18 sa librong Unsay Tinuod nga Gitudlo sa Bibliya? nga gipatik sa mga Saksi ni Jehova.
p. 90, ¶6, ilisi ang parapo ug: Apan, nganong kinahanglan mang makiggubat ang bag-ong napurongpurongan nga Hari? Tungod kay ang iyang pagkahari natukod bisan pa sa grabeng pagsupak sa pangunang kaaway ni Jehova, si Satanas nga Yawa, ug niadtong ania sa yuta nga nag-alagad sa mga katuyoan ni Satanas—nahibalo man sila niana o wala. Ang pagkatawo mismo sa Gingharian mao ang hinungdan sa dakong gubat sa langit. Sa iyang pagpakig-away ubos sa ngalan nga Miguel (nga nagkahulogang “Kinsa ang Sama sa Diyos?”), gipildi ni Jesus si Satanas ug ang iyang mga demonyo ug gilabog sila nganhi sa yuta. (Pinadayag 12:7-12) Ang pagkabayo ni Jesus sa pagpangdaog nagpadayon latas sa unang mga dekada sa adlaw sa Ginoo samtang gipanigom ang samag-karnerong mga tawo. Bisan tuod ang tibuok kalibotan anaa gihapon “sa gahom sa usa nga daotan,” si Jesus mahigugmaong nagpadayon sa pagbantay sa iyang dinihogang mga igsoon ug sa ilang mga kauban, nga nagtabang sa matag usa kanila nga makab-ot ang kadaogan sa pagtuo.—1 Juan 5:19.
p. 92, ¶9, ilisi ang kataposang tudling-pulong ug: Talagsaon ang pagtubo diha sa Katolikong mga nasod ug sa mga nasod diin grabe kaayo ang mga paglutos—sama sa Alemanya, Italya, ug Japan, diin ang mga Saksi nagtaho karon ug kapin sa 600,000 ka aktibong mga ministro sa kanataran.—Isaias 54:17; Jeremias 1:17-19.
p. 94, ¶18, ilisi ang parapo ug: Matawag ba nato kini nga usa ka kadaogan sa militaryong teknolohiya? Kini hinuon maoy usa ka pamatuod nga ang way-kaluoy nga pulang kabayo tulin nga nagadagan. Ug asa matapos ang pagdagan niini? Ang pipila ka siyentipiko naghisgot sa posibilidad sa usa ka aksidenteng nukleyar nga gubat—gawas pa sa giplanong nukleyar nga sunog! Apan sa kamalipayon ang madaogong Magkakabayo sa puting kabayo may laing nahunahunaan bahin niini.
p. 97, ¶28, ilisi ang parapo ug: Angayng matikdan karon ang “makamatay nga hampak.” Human sa mga kadaot sa Gubat sa Kalibotan I, giani sa trangkaso Espanyola ang kapin sa 20 milyones ka kinabuhi sulod lamang sa pipila ka bulan sa 1918-19. Ang bugtong luna sa yuta nga nakaikyas niining hampaka mao ang gamayng isla sa St. Helena. Sa mga dapit diin daghan sa populasyon ang namatay, gidaoban ang dagkong tapok sa mga patayng lawas. Ug karon anaa ang makahahadlok nga sakit sa kasingkasing ug kanser, nga kasagarang gipahinabo sa kahugaw sa tabako. Sa gihubit nga “ngil-ad nga dekada” sa katuigan sa 1980, ang hampak nga AIDS gidugang ngadto sa “makamatay nga hampak” tungod sa pagkinabuhi nga supak sa mga sukdanan sa Bibliya. Sa tuig 2000, ang siruhano heneral sa U.S. gikataho nga nagtawag sa AIDS nga “lagmit mao ang kinagrabehang epidemya sa panglawas nga nailhan sukad sa kalibotan.” Siya miingon nga dunay 52 milyones ka tawo sa tibuok kalibotan ang natakboyan ug HIV/AIDS, ug niini nila 20 milyones na ang nangamatay. Pagkamapasalamaton sa katawhan ni Jehova nga ang maalamong tambag sa iyang Pulong nagpahilayo kanila gikan sa pagpakighilawas ug sa sayop nga paggamit sa dugo, nga pinaagi niana napasa ang daghang sakit karon!—Buhat 15:28, 29; itandi ang 1 Corinto 6:9-11.
KAPITULO 17
p. 100, ¶2, linya 15, ilisi ang “1 Cronicas 23:4” ug: 1 Cronicas 24:4
KAPITULO 18
p. 106, ¶7, ilisi ang parapo ug: Ang Gubat sa Kalibotan II nagpahinabog laing sunodsunod nga mga kagubot. Ug ang gagmayng mga gubat lakip na ang terorismo nagpadayon sa paghadlok sa yuta. Ang makalilisang nga hulga sa mga terorista o mga nasod nga naggamit ug mga hinagiban sa pakyaw nga pagpamatay nakapalibog sa daghang katawhan.
p. 106, ilisi ang pangutana sa parapo 7-9 (b) ug: Ang mga kagubot sa tawhanong katilingban panahon sa presensiya ni Jesus sa ngadtongadto maglakip sa unsang kahimtang sa katawhan?
p. 107, ¶9, ilisi ang ikatulong tudling-pulong ug: Ang mangiob nga mga panahong misunod maoy bahin gayod sa katumanan sa tagna ni Jesus mahitungod sa iyang presensiya, nga maglakip sa “tumang kasakit sa kanasoran, nga wala mahibalo sa kalingkawasan . . . samtang ang mga tawo panguyapan sa kahadlok ug sa pagpaabot sa mga butang nga mahitabo diha sa gipuy-ang yuta.” (Lucas 21:7-9, 25-31)*
p. 107, ¶9, ilisi ang potnot ug: * Sa kapin sa 35 ka tuig, sukad sa 1895 hangtod sa 1931, ang mga pulong sa Lucas 21:25, 28, 31 gikutlo diha sa hapin sa magasing Watchtower nga may parola nga naglamdag sa unoson nga kalangitan ibabaw sa baloron nga kadagatan.
p. 107, ¶11, ilisi ang ikaupat nga tudling-pulong ug: Ang sistema sa kalibotan ni Satanas gipahibalo na pinaagi niining tibuok-kalibotang pagpasidaan.*
p. 109, ¶17, papasa ang ikaduhang tudling-pulong nga nagsunod sa teksto nga Pinadayag 6:12b, 13: Kini naghawas sa kataposan sa malaglagong kahimtang nga gitagna daan ni Jesus sa Mateo 24:29.
KAPITULO 20
p. 123, ¶11, ilisi ang ikaupat nga tudling-pulong ug: Panahon sa pagpatik niini, gigamit ang nagkalainlaing matang sa MEPS diha sa kapin sa 125 ka dapit sa tibuok yuta, ug kini nakatabang aron ang magasing Ang Bantayanang Torre nga mogula ug kaduha sa usa ka bulan dungang mapatik diha sa kapin sa 130 ka pinulongan.
p. 128, ¶30, ilisi ang kataposang tudling-pulong ug: Usa ka minoriya lamang sa katawhan, nga naglakip ni bisan kinsa kanilang natimbrehan nga 144,000 nga lagmit anaa pa gihapon sa unod ug usa ka dakong panon sa ubang mga karnero ang “mobarog,” nga mao, makalabang-buhi uban kanila.—Jeremias 35:19; 1 Corinto 16:13.
KAPITULO 22
p. 143, ilisi ang sub-ulohan ug: Ang Hampak sa mga Dulon Karon
p. 146, ¶16, ilisi ang mga tudling-pulong nga nagsunod sa tekstong Pinadayag 9:10 ug: Unsay kahulogan niini? Samtang sila nagpadayon sa ilang buluhaton sa Gingharian, ang mga Saksi ni Jehova nagmantala sa awtoritatibong mga pahayag nga gipasukad sa Pulong sa Diyos pinaagi sa binaba nga mga pulong ug pinatik nga mga publikasyon. Ang ilang mensahe adunay samag-tanga nga ikot tungod kay sila nagpasidaan sa nagsingabot nga adlaw sa pagpanimalos ni Jehova. (Isaias 61:2) Sa dili pa matapos ang gitas-on sa kinabuhi niining presenteng kaliwatan sa espirituwal nga mga dulon, ang ilang hinatag-sa-Diyos nga buluhaton sa pagpahayag sa mga paghukom ni Jehova matapos na—nga makahatag ug kasakit sa tanang gahig-ulo nga mga mapasipalahon.
p. 147, ¶17, ilisi ang potnot ug: * Ang ngalan niining magasina giilisan ug Consolation sa 1937 ug Awake! sa 1946.
p. 147, ¶19, ilisi ang mga linya 7-12 ug: (Mateo 24:3-14; Pinadayag 12:1-10) Pagkahuman, kini nagkutlo sa manifesto o deklarasyon nga gipatik didto sa London niadtong 1917 ug gipirmahan sa walo ka klerigo, nga gihubit ingong “apil sa labing bantogang mga magwawali sa kalibotan.”
KAPITULO 24
p. 160, ¶21, linya 11, ilisi ang “samag-kanding nga katawhan” ug: mga kaaway
p. 160, ¶21, linya 18-19, ilisi ang “Mateo 25:31-34, 41, 46” ug: Filipos 1:27, 28
p. 160, ilisi ang pangutana sa parapo 21 (b) ug: Nganong ang maayong balita daotang balita alang sa mga kaaway?
KAPITULO 25
p. 162, ¶4, ilisi ang potnot ug: * Alang sa bug-os nga paghisgot niining dakong espirituwal nga templo, tan-awa ang mga artikulong “Dakong Espirituwal nga Templo ni Jehova” sa Hulyo 1, 1996, gula sa Ang Bantayanang Torre ug “Ang Usa ka Matuod nga Templo nga Diha Niana Magsimba,” sa Hunyo 1, 1973, nga gula.
p. 162, ¶5, ilisi ang ikatulong tudling-pulong ug: Sa mga tagna sa Hebreohanong Kasulatan, ang maong pagsukod nagtaganag usa ka garantiya nga ang hustisya ipatuman pinasukad sa hingpit nga mga sukdanan ni Jehova.
p. 162, ¶7, ilisi ang ikaduhang tudling-pulong nga nagsunod sa tekstong Pinadayag 11:2 ug: Sumala sa atong masabtan, kini nagtumong sa literal nga 42 ka bulan nga gikan sa Disyembre 1914 hangtod sa Hunyo 1918, sa dihang ang tanang nag-angkong mga Kristohanon grabeng gisulayan.
p. 164, ¶12, ilisi ang ikatulong tudling-pulong ug: Dugang pa, sa pagsugod sa adlaw sa Ginoo, dihay usa ka tinong yugto sa panahon nga tulo ka tuig ug tunga sa dihang ang malisod nga mga kasinatian sa katawhan sa Diyos mitakdo sa mga hitabo nga gitagna dinhi—nga nagsugod sa Disyembre 1914 ug nagpadayon hangtod sa Hunyo 1918.
p. 165, ilisi ang kapsiyon sa hulagway ug: Ang buluhaton sa pagtukod pag-usab ni Zorobabel ug ni Josue nagpasabot nga sa adlaw sa Ginoo ang gagmayng mga sinugdanan pagasundan ug dakong pag-uswag taliwala sa mga Saksi ni Jehova. Ang mga pasilidad sama nianang gipakita sa itaas, nga atua sa Brooklyn, New York, gipadak-an pa gayod aron matagan-an ang ilang mga panginahanglan
p. 165, ¶15, linya 9, ilisi ang “(Mateo 17:1-3; 25:31)” ug: (Mateo 17:1-3)
KAPITULO 26
p. 175, ¶12, ilisi ang potnot ug: * Ang Romanong historyador nga si Tacitus mitaho nga sa dihang nailog ang Jerusalem niadtong 63 W.K.P. ug si Cneius Pompeius misulod sa sangtuwaryo sa templo, iyang nakaplagan kini nga walay sulod. Wala didto sa sulod ang arka sa pakigsaad.—Tacitus History, 5.9.
KAPITULO 27
p. 185, kahon, ilisi ang ikaunom nga parapo ug: Sa Espanya, ang mga balay gisulong ug ang mga Kristohanon gimultahan ug gibilanggo tungod sa “krimen” nga pagsulti bahin sa Diyos ug paghimog Kristohanong mga tigom. Kining maong paglutos sa kataposan nahunong sa 1970, sa dihang, tungod sa pagkausab sa polisa sa kagamhanan bahin sa dili-Katolikong mga relihiyon, ang mga Saksi ni Jehova gitugotan nga marehistro sa gobyerno.
p. 185, ¶28, ilisi ang unang duha ka tudling-pulong ug: Kadtong mabangis nga baha sa paglutos migrabe pa gayod panahon sa Gubat sa Kalibotan II. Sa Uropa mga 12,000 ka Saksi ang gibalhog sa mga kampo konsentrasyon sa Nazi ug sa mga bilanggoan, ug mga 2,000 ang nangamatay.
KAPITULO 28
p. 187, ¶4, ilisi ang potnot ug: * Alang sa dugang mga detalye, palihog tan-awa ang panid 165-79 sa librong Patalinghogi ang Tagna ni Daniel! nga gipatik sa mga Saksi ni Jehova.
p. 190, ¶15, ilisi ang unang tulo ka tudling-pulong ug: Kadtong gubata maoy dakong kapildihan alang sa dominante nga ikapitong ulo sa mapintas nga mananap. Duyog sa ubang kanasoran sa Uropa, ang Britanya nawad-an ug daghan kaayong mga batan-ong lalaki. Sa usa lamang ka bugnoay, sa Gubat sa Suba sa Somme niadtong 1916, 420,000 ka Britanikong sundalo ang namatay uban sa 194,000 ka Pranses ug 440,000 ka Aleman—kapin sa 1,000,000 ang nangamatay!
p. 192, ¶22, lindog 2, ilisi ang linya 2 ug 3 ug: Miabot ang tayuktok sa ilang mga pagsulay niadtong Hunyo 1918,
KAPITULO 29
p. 202, ¶14, ilisi ang linya 1-3 ug: Ang 144,000 “gipalit gikan sa yuta,” nga “gipalit gikan sa katawhan.” Gisagop sila ingong mga anak sa Diyos, ug human sa ilang
KAPITULO 30
p. 206, ¶3, ilisi ang ikaduhang tudling-pulong ug: Buweno, unsay resulta human sa 539 W.K.P. sa dihang ang karaang Babilonya napukan?
p. 209, ¶10, ilisi ang linya 1 ug: Sa katuigan sa 1870 ang dinihogang mga Kristohanon misugod
p. 209, ilisi ang pangutana sa parapo 10 ug: Unsay nahitabo sa katuigan sa 1870, ug sa unsang paagi ang Dakong Babilonya misanong niini?
p. 212, ¶23, ilisi ang ikatulo, ikaupat, ug ikalimang mga tudling-pulong ug: Misugot dayon si Jesus. Una, sukad sa 1919 padayon, iyang gipahuman sa iyang mga manulonda ang pag-ani sa 144,000. (Mateo 13:39, 43; Juan 15:1, 5, 16) Unya misunod dayon ang pag-ani sa dakong panon sa ubang mga karnero. (Juan 10:16; Pinadayag 7:9)
KAPITULO 32
p. 231, ¶27, ilisi ang kataposang seksiyon sa parapo nga magsugod sa teksto sa “Mateo 24:42, 44” ug: (Mateo 24:42, 44; Lucas 12:37, 40) Nga gisubli ang maong pasidaan, si apostol Pablo miingon: “Ang adlaw ni Jehova moabot sama sa kawatan sa kagabhion. Sa dihang sila magaingon: ‘Kalinaw ug kasegurohan!’ unya ang kalit nga kalaglagan modangat dihadiha kanila.” Si Satanas maoy nagpaluyo sa bisan unsang mini nga pagmantala bahin sa “Kalinaw ug kasegurohan!”—1 Tesalonica 5:2, 3.
KAPITULO 33
p. 243, ¶21, ilisi ang ikaduha sa kataposan nga tudling-pulong ug: Makahuloganon nga ang papa wala kaayo maghisgot kang Jesu-Kristo o sa Gingharian sa Diyos sa iyang pakigpulong.
p. 245, ¶25, linya 7, ilisi ang “(Pinadayag 14:8; 17:2)” ug: (Pinadayag 14:8; 17:4)
KAPITULO 34
p. 246, ¶1, ilisi ang ikaduha sa kataposan nga tudling-pulong ug: Apan ang maong panan-awon makapakurat nga natuman sa atong adlaw.
p. 249, ¶10, ilisi ang ikaupat nga tudling-pulong ug: Sumala sa usa ka taho sa International Peace Research Institute, abot ug lima ka milyong sundalo ang nangamatay ingong resulta sa mga gubat sulod sa 1986 lamang!
p. 250, ¶12, potnot, ilisi ang “1981” ug: 1993
p. 251, ¶14, ilisi ang parapo ug: Sa di pa dugayng katuigan, gigamit sa mga politiko ang pamulong nga “kalinaw ug kasegurohan” sa pagbatbat sa nagkalainlaing tawhanong mga plano. Ang maong mga paningkamot sa mga lider sa kalibotan mao na ba ang sinugdanan sa pagkatuman sa 1 Tesalonica 5:3? O si Pablo naghisgot lamang ug usa ka tinong panghitabo nga makapaukyab kaayo nga kini makapadani sa pagtagad sa tibuok kalibotan? Sanglit ang mga tagna sa Bibliya sagad bug-os nga masabtan human lamang sa pagkatuman niana o samtang nagakatuman kana, atong paaboton ug tan-awon kana. Kasamtangan, ang mga Kristohanon nahibalo nga bisan kon unsang kalinaw ug kasegurohan ang daw nakab-ot sa mga nasod, wala gayoy nabag-o. Ang kahakog, pagdumot, krimen, pagkabungkag sa pamilya, imoralidad, sakit, kasubo, ug kamatayon anaa pa gihapon. Kanay hinungdan nga ang bisan unsang singgit sa “kalinaw ug kasegurohan” dili gayod makapahisalaag kanimo, kon magpabilin kang nagmata sa kahulogan sa mga panghitabo sa kalibotan ug mamati sa matagnaong mga pasidaan diha sa Pulong sa Diyos.—Marcos 13:32-37; Lucas 21:34-36.
KAPITULO 36
p. 259, ¶4, ilisi ang kataposang duha ka tudling-pulong ug: Si Jesus nahimong langitnong Hari niadtong 1914, ug sukad niadto siya nagamando na sa yuta ingong katabang nga Hari ug Maghuhukom ni Jehova. Nan, haom nga siya magpahibalo gayod sa pagkapukan sa Dakong Babilonya.
p. 260, ¶9, ilisi ang unang upat ka tudling-pulong ug: Ang pagkapukan sa karaang Babilonya niadtong 539 W.K.P. maoy sinugdanan lamang sa anam-anam nga paghuyang nga misangko sa iyang kalaglagan. Sa samang paagi, sukad sa unang gubat sa kalibotan, ang impluwensiya sa Babilonyanhong relihiyon mius-os pag-ayo sa tibuok yuta. Sa Japan, ang Shinto nga pagsimba sa emperador gidili human sa ikaduhang gubat sa kalibotan.
p. 265, ¶22, papasa ang kataposang teksto:—Itandi ang Mateo 24:15, 16.
p. 266, ¶28, ilisi ang ikatulo ug ikaupat nga tudling-pulong ug: Doble ang kinahanglan niyang dawaton kay sa iyang gihatag. Dili ipakita ang kaluoy tungod kay ang Dakong Babilonya wala magpakitag kaluoy sa iyang mga biktima.
KAPITULO 38
p. 277, ¶17, ilisi ang kataposang duha ka tudling-pulong ug: Kon adunay mga dinihogan nga buhi pa sa yuta, walay duhaduha nga sila mosulod ra dayon ngadto sa ilang langitnong ganti human mabug-os ni Kristo ang iyang pagpangdaog ug sila makig-uban sa ilang kaubang nga membro sa pangasaw-onon nga matang. Dayon, sa gitakdang panahon sa Diyos, mahimo nang himoon ang kasal sa Kordero!
p. 277, ¶18, ilisi ang unang tudling-pulong ug: Ang matagnaong asoy sa Salmo 45 naghubit sa kahan-ayan sa mga hitabo.
KAPITULO 39
p. 281, ¶10, ilisi ang kataposang duha ka tudling-pulong ug: Dugang pa, “ang tanang manulonda” mag-alagad kang Jesus samtang siya molingkod sa iyang mahimayaong trono ug maghukom sa mga nasod ug mga katawhan sa yuta. (Mateo 25:31, 32) Dayag nga sa mahukmanong gubat, sa dihang bug-os nang ipatuman ang mga paghukom sa Diyos, si Jesus pagaubanan pag-usab sa iyang mga manulonda.
KAPITULO 41
p. 296, ¶5, ilisi ang unang tulo ka tudling-pulong ug: Kinsa ang mahibilin aron pagahukman human mangalagiw ang daang yuta ug daang langit? Dili ang dinihogang nanghibilin sa 144,000, tungod kay sila nahukman ug natimbrehan na. Kon duna pay mga dinihogan nga buhi pa sa yuta human sa Armagedon, sila mamatay ra sa dili madugay ug makadawat sa ilang langitnong ganti pinaagi sa pagkabanhaw. (1 Pedro 4:17; Pinadayag 7:2-4)
KAPITULO 43
p. 311, ¶19, ilisi ang mga tudling-pulong human sa tekstong “Pinadayag 11:15; 12:10” ug: Sulod sa panahon sa kataposan, ang espiritu ug ang pangasaw-onon nagdapit sa hustong nakiling nga mga tawo sa pagkuhag tubig sa kinabuhi nga walay bayad. Ang tubig gikan niining subaa padayong mabatonan sa maong mga tawo hangtod sa kataposan niining sistema sa mga butang ug, human niana, ngadto sa bag-ong kalibotan, sa dihang ang Bag-ong Jerusalem ‘mokanaog gikan sa langit gikan sa Diyos.’—Pinadayag 21:2.
p. 312, ¶26, ilisi ang unang duha ka tudling-pulong ug: Kadtong mga kahoya, nga maayong pagkatubig sa daplin sa suba, mahimong naglakip sa 144,000 ka membro sa asawa sa Kordero. Samtang dinhi sa yuta sila usab nagainom sa tagana sa Diyos alang sa kinabuhi pinaagi kang Jesu-Kristo. Makaiikag, kining dinihogan-sa-espiritu nga mga igsoon ni Jesus matagnaong gitawag ug “dagkong kahoy sa pagkamatarong.” (Isaias 61:1-3; Pinadayag 21:6)